Alex Killorn

Mantau Maamiin'huichashuu

Alex Killorn ka iishpaych tshkutimachawinch chii matuwau hockey, inta Harvard Crimson iitah'cha. Int'h NCAA Men's Division I ECAC Hockey Conference. Inya mah'ch ka puupiniich ka matuwat, chii mishkataytakushuu, kiya chii chiikayapimikuu Tampa Bay Lightning. May 19 mak, 2012, chii mishin'huushuu nishw-uppun cha matuwat inta Tampa. February 10, 2013, Killorn akut niishtim ka wiich'hiiwat aa pichipitikinuwiich inta NHL, aa chii wap'himuwat Vincent Lecavalier, makwach ka kuuch'hach New York Rangers. Makwach mak inya ka puupiniich, chii piih'chipitim kiya makwach ka kuuch'hach Florida Panthers. Makwach mak nishtw-uppun ka wiichawat Tampa Bay Lightning, paykushtamtinuu-niyananushuap tih'twa chii wiich'hiwau aa piichipitikinuwiich paykwa mih'tatumtinuu miin paykushtamtinuu-paykw-shuap tih'twa ka matuwat. (39 tih'twa chii piichipitim. 59 tih'twa chii wiich'hiiwau) Nashta mak chii kishchihuu ka wiiwiiwuapshkatchanuwiich 2014-2015. Niyananau-shuap tih'twa chii wiich'hiiwau aa piichipitikinuwich, niishtinuu-kituashch tih'twa ka matuwat. (9 tih'tww chii piichipitim. 9 tih'twa chii wiich'hiiwau) kati wiich'hat mak uu wiichawakin ka pikuh'taych Stanley Cup.