*

CHA NUUKCH

Nantukichashchaymakinuuwich

John iishpiiyuu 2012 National Aboriginal Hockey Championships inta Saskatoon a nantuwapimat matuwashuu. Pikushaytum cha mshkuat mauch yakuatshiich eeyou matuwashuu cha chii kuachihat inta Gatineau. Uushta nishwa mitah’tuumtinuu (200) matuwashuu chika tayuu, muuk mak niyayshuap (15) chika chii uutinaau.

Takushinnanuuch kiya wiyachiyamtuunanuuch

Mishua nah'ku matuwashuuch papiyuuch uta Gatineau. Nima chishchaytuumch cha iish pikshaymuuch, yapich mak tiiwach chitshtauch Hit The Ice kiya tan ash intuwaytakuch apitshiiwin tshchua matuwawinch. Inchii mak mamiin'hiichashuuch, tshtimawiniiu mishua uuwan cha nishtutik tan a pikushaymakinuwich.

Niishtim kashikach

Tshchipiiyuu, kiya shash uutichipiiyuu cha chitshtakinuuch. Uu niishtim cha chiishikach chika wapih'tuumch matuwashuuch a kuachinanuuwich chii mushashkupiituawa. Chika kush'hiikuuch itaytih'kawa pah'kach cha iitinanuwiich, kiya michatw matuwashuuch chika wapih'tuumch yat a akuatshiit uuwan, ittuu intuwaytakuniyuu chakuwayuu. Mamiin'hiichashuuch chika wapih'tumuach matuwashuu uu kishchihuunuwaau, muuk ayuuh ittu cha tshtimawaytakuniich, uu shuukapitshiiwinuwaau.

NIMUWII ASHKW TSHCHUWA CHI MATUWASHIIUN

Uuya nishwa cha uush'hiishuuch a pah'kuwaych iich chika iishpiiyuuch matuwashuuch cha wapih'tiyakinuwich tanta a tich tshchua matuwashuuch. Nahiiyuu wapih'tuumch tanta a tiich tshchuwa matuwashuu a uush'hiishuych. Ka chatshapayaych ka wapih'tich intuwii iitaytimhiikuuch mishkuuch uu niikan mamin'hiichashuu wah'tik chaka mishua uuwayuu matuwaych mah'ch matuwanuwiicha. 

Guddy tikushin

Nishtw chiishikaau pishikw kuachiiuch matuwashuuch, a wii muuchimakinuwich mak wiichipiiyimikuuch NHL matuwashuu Florida ka wiich'haych, kiya uutah'ch ka matuwaych Erik Gudbranson. Ashpsh tshipiiyuch cha kuatchiich, ushik'hiiwawinyuu natikuuch. John uuyaytim cha kuutsh'hiitunanuwiich awksh mishkuuch mwatsh'hiikuuch matuwashuuch cha chii matuwach. 

Iiwashinanuu

Miyuwaytuumch matuwashuuch paykw chiishikaau mayakinuwich cha chii iiwashich. Yat nasch muutsh'hiikuuch a kuatchiich, chika wiich'hiikuuch cha iiwashich. Inchi mak washikushich, chika chii miinuatshiiuch. Kiya chika uush'hiishuuch ittu cha chii miyuuwiichatuuch, nimuwii mak uuwan chika minach'hakinu. 

Yayashkuwiinanuu

Wiitimuwakinuuwich mak tshchua cha kuuch'hiituch wiiwaau kiya tiiwach iich iitaytakunyuu, ka wiichatuuch, shash kita kuuch'hiituuch. Paykw mak ka uushikshik ap'hiishtayuu cha chii miishkutshkatkut kutik matuwashuu. 

Mashtiniishunanuu

Nishw tuushtaau ka kuatchiich tiiwach tikuniyuu John uu kuatshchuamuun a chii wapimat tan ka tiich pisch matuwashuu ka chiish matuwanuwiich. Matuwashuushinhiikinch mishinatayuu tan a taymakinuwich pishch matuwashuuch.  Kiya paykw John washkich uu wiichawakin patayuu chakuwayuu cha wah'pitiiyaych matuwashuu kiya yaymauhiikuu wii tan a taytim'hiikut matuwawiniyu. 

Itshtashunanuu

Uushchiniichuu NHL matuwashuu nashch a muuch'hiiwat, Evander Kane wapih'tiiyau nikanch ka matuwaych tan ash intuwaytakuniich shuch'matuwawiniyuu, kiya piyashinakuniich cha matuwanuwiich, iishkupiiyuu chishuwaytimuun. Matuwashuuch wapih'tiyakinuuwich tan ash pikushaytimiich matuwashuu ka nantuwaymaych, ayuukuun uuya nashch tshchua ataymakinuwiich NHL Randy Lee Ottawa Senators iitacha.

Inshkuunanuu

Chiimuuch tikushiniiyuu Arron Asham, paykw eeyou matuwashuu NHL miyatuwat kiya wiih'tim uu titaytimuun. Muuchimaau mak matuwashuu. Mamiin'hiichashuuch mishua iitaytumch shash a yashkuuhach matuwashuu uuya tshchua cha matuwaych. Mih'chat mak matuwashuuch shash yayashkuwiishtuumch uuya mah'ch cha matuwanuwiich.

Chiyamawaytakun amuya muuchikich

Nim wawach nishuchiishikaaw iishpishinakunyuu cha matuwach, shash yaymaytuumch matuwashuuch. Mah'chai kuachiiuch yaytay cha chii kishchitach tan ka iish tshkutimuwakinuwich kiya shash wiihaau John tan cha iitshkatuuych matuwashuu. A wii chiyamauwaytim'hakinuwich, muukshaauch matuwashuuch amuya matuwach.

Tshchua miyatuwanuuch

Shash uutichipiiyuu matuwashuuch ka pikuwaytich, mah'ch cha matuwach. Shash nishw-tuushtaau taksh yayashkuwiishtumch matuwashuuch. Aka uuch pikushaytakinuwiich chakuwayuu iishpiiyuu, mishkuch natuwaytakushit John cha uuyaytik chakuwayuu a kushpinataytakuniich. Ayuuh, John inutwaytakushuu cha wiih'timuwat matuwashuu uuwayuu nim chika matuwayuu.

Tan ka iishpiich ka matuwanuuch

Nishwa ka mushashkupiiyich, shiichikapuuhiituunanuu. Nishtim ka mushashkupiinanuuch nashta chi mishtiitshkatunanuu kiya chiimuuch a chii mayatshiinanuuch, chishchaytuumch mak matuwashuuch cha chishuwaytich, wash iich chika chii iishpiitaauch chakuwayuu pih'chipitih'kawa. A nanakitsh'hiikuuch mak matuwashuu ka nantuwaymaych, uuwan cha akuatshiit? Kiya uuwan cha nuh'tahik?

SHASH WIIPICH CHIKA LIYUUSHTAU UU NISHTWA CHA NUKCH HIT THE ICE.

Social networks